ياوعد بنت زايد
ياوعد بنت زايد كل حيٍ شهد
بالذكاء واللباقة يوم رافقك عاده
الف مبروك فوزك بالشهادة وعد
رودي العز يابنت الفخر والرياده
افرحي بالتفوق والسعد يا وعد
بعد مالله بتوفيقه منحك الشهاده
خطوتك للمعالي منتهت بك بعد
في ثقة في ثبات بكل عزم ٍ واراده
بصمة العلم عندك مثل غرس الوتد
ازرعي مجد وردك وارتقي للسعاده
من بجهدك وجدك ماحصل بالعدد
ياجميلة يادرة من على الف غاده
فرحتك فرحة امك والجميع استعد
لاحتفال النجاح وزهوته وامتداده
انتي بذرة كفاحٍ في علوه صعد
زادك الله من فضله ومنّه زياده
ياجديرة مقام العلم واللي سعد
فرحتك عمر مايوصف بلاغة وداده
افرحي ملء قلبك وارقصي ياوعد
واعطي الجيل علمك عامرٍ بالافاده
ياسعد من سعدبك واغتنم بك سند
غالية والغلا لاوصاف مثلك اشاده
كلمات
غزيل سعد_الملتاعة
