يا بو فهد جيت بأدله وبراهين / أفنيت عمرك للوطن في مجالك
ماضيك يا سلمان ورد ورياحين / زان الرياض اللي رسمته بخيا لك
ضميت بنتك نجد في حضنك سنين / خمسين عام ونجد تعشق ظلا لك
صنت العهد عهد الملوك الميامين / رهنت روحك والعمر مع حلا لك
وانت المليك وبايعوك المحبين / تشهد لك البيعة وجوك صفا لك
في بشتك الهيبه وقلبك دواوين / رمز الشهامه والكرامه عقا لك
الدين والبيتين في محجر العين / وسيرة رسول الله والاطلس فبا لك
طوعت نفسك للحجيج الملايين / وفي طاعة الرحمن سخرت ما لك
بايدك بذور الخير تنبت بساتين / وثمارها للمعسر اللي لجالك
بالخير تدعيلك حشود المصلين / في خدمتك للدين وا طيب فا لك
شعبك معك في حزة العسر واللين / مع شعبك الوافي وشعبك وفا لك
إخلاص شعبك مختصر بين قوسين / نفداك يا سلمان كلنا عيا لك
فيك التواضع تنحني له سلاطين / حتى التواضع من غلاك انحنا لك
نظرات عينك مقبرة للمعادين / العدل شامخ فيك والشر ها لك
وحدك برمشة عين تقلب موازين / حزمك وعزمك مبدأك واحتما لك
فوق الحزم والعزم نخله وسيفين / ما خاب من ينخاك أو من شكا لك
تعجز بنات الفكر لو هي دواوين / يا سيدي سلمان تحصي خصا لك
الشاعر / غانم بن خلف الصبيخان العبيدي
