يا صـاحبي بانــت اللعبه
وعمّـــك تجلّـت ملاعيبه
في قــوتــه عـــالي ٍكعبـه
يــا الله تــزلــزل مقاضيبه
مــا بــاح ما كنّ بالجعبه
ميــر أكثر النــاس تدريبه
ما ظـلّ له بالحياء شُعبه
غيّــر وبـــدلّ بأســـاليبه
مهمتـــه بيّنـــت صعبـه
خطيرة الشـرح ومصيبه
لو الهدف منفعة شعبه
خطــة مشاريـعه معيبه
جند ٍ نشــر بالملا رعبه
كثرت حوادث مصاويبه
بعـض المخاليق مرتعبه
والبعض الآخر عوى ذيبه
يا ربّ يا مشرّف الكعبه
تحفظ وطن مكة وطيبه
منـــابع النـــور تسطع به
موطن هل الدين والهيبه
*عبدالعزيز الفدغوش*
