مجنون شعر

وش فيه صوتي ماعلى صوتي خلاف
حتى ولو فيني من الضيق نبره
احس ضيقة ناشبه بين الاكتاف
ياليت لو تطلع على شكل عبره
داخل عروقي شي ماهو بينشاف
لو المغذي يوصل العرق بابره
القلب لا من حب مايعرف يعاف
لن المحبه داخل الروح فطره
لا ابوك لا ابو من بغى الهرج ماخاف
ولا ابو الشجاع الي على الكف قبره
ولا ابو الضلوع الي نحيلات و رهاف
ولا ابو الحقوق الي هرب وسط صدره
تجمدت فيني من البعد الاطراف
بـ الكف برد و داخل القلب جمره
مجنون شعر و لعبته يبدع القاف
انا فدا عينه ..وزوله .. و شعره
اشوف طيفه بادي بكل مشراف
معاد اشم من الهوى غير عطره
ان زان جوي ما على جوي خلاف
و ان ضاق صدري فجر الضيق صدره
#ونة