لوحة شعرية تميزت بروعة التصوير وقوة التعبير رسمها شعرا وجسدها مشاعرا وطوع مفرداتها بتمكن وتميز الزميل الشاعر القدير سعد بن زمانان – معد ومقدم برنامج ديوانية الشعراء بتلفزيون الكويت- وأهداها مشكورا إلى أعضاء (نخبة الشموخ :
كل ماتقرب حبيبي الفرح يزداد فيني
وكل ماتبعد حبيبي أشعر بجرح وعذاب
الوّله يسكن خفوقي وكل شوقي مع حنيني
عايشٍ أيام عمري في عذابٍ وإكتئاب
أه ياصوره جميله جاذبه بالشوف عيني
وأه يابرقٍ تلالا ماأجمله وسط السحاب
أنت ياقلب المحبة وأنت ياعمر السنيني
وأنت ياروح الغرام وأعذب حروف الكتاب
يازهر ياورد يابستان يالدّر الثميني
ياذهب صافي وبلسم شافي إلقلبٍ مصاب
كلمتِك مع بسمتِك تسعِد بها قلبٍ حزيني
ليه تحرمني وتؤلمني مع طول الغياب
ياصباح النور يابهجة سرور وتحتويني
شوفتك تشبه شعاعٍ زاح عن عيني ضباب
أه ياحلمٍ بنيته للوّصل بينك وبيني
وخوفتي حلمي ياخلّي ينجلي مثل السراب
