لوحة شعرية تميزت بروعة التصوير وقوة التعبير رسمها شعرا وجسدها مشاعرا وطوع مفرداتها بتمكن وتميز الزميل الشاعر القدير سعد بن زمانان – معد ومقدم برنامج ديوانية الشعراء بتلفزيون الكويت- وأهداها -مشكورا- إلى أعضاء (نخبة الشموخ
ياللي خذيت الفؤاد وصار مرهونك
وغلاك داخل فؤادي وأنت تدريبه
إلطف عليه بحنان الوّد في هونك
أرجوك لاتزعله وتزيد تعذيبه
سلهام رمشك جذبني وصرت مفتونك
ونظرة عيونك كلامك دون تحكيبه
مفتون مغرم موًلّع فيك مجنونك
قدام عيني خيالك قمت أهذريبه
لو كان تجلس بوسط الورد من لونك
بينك وبينه شبه والزين تزهيبه
أنت الغلا والهواء ماعيش من دونك
يانسمة الصبح تنعشني هباهيبه
أفرح مع فرحتك وأحزن مع إحزونك
ياللي غمَرْك الحلا والملح والطيبه
الله يخليك ويسلمْك ويصونك
أرتاح لك عاشقك غيرك فلا ليبه
