كن في صدري لهب مدري جمر مدري شظايا
من قنابل هيروشيما اللي مفاعلها ثقيله
أترك اللي ما يغني غير في عيون الصبايا
واسمع اللي ما يغني غير في راعي جميله
كن عنده كل ما غنى’ على الطيب وصايا
كنه يربط بينه وبين الكفو دم و فصيله
ذاخرٍ شعري لشيخٍ ينطنخ راسه حمايا
خالى أعظم ما يقال ان المدايح تسوي له
شامخٍ لو انها مالت جبال الهملايا
مالحق عزمه ميول ولا لحق مبداه ميله
خالي اللي سمعته سامي بها بين البرايا
سمعته تطغى على اجيال من بعد جيله
لا تبرع كل شهر بلتر من دم الخلايا
ما بقا راسٍ ضعيف ولا بقت يمنى’ بخيله
اشهد انه من علوم الطيب ما بقا بقايا
واشهد انه صاملٍ مطنوخ يسوا له قبيله
شاعرٍ مايمدح فعول الصناديد الدهايا
ودك ان الله عن الشعار والساحه يشيله
والله ان عيال وايل فعلهم كله ثنايا
يامنون ام الأحوار ويسترون ام الجديله
انشد الماضي عن القحص عظيمين السجايا
وأقر مجد العزوه اللي يصنعون المستحليه
امتدحهم مثل ما أمدح ربعي سهوم المنايا
لعنبو اللي لامني في مدحت الهيل المهيله
